TOCA DICIR ADEUS

A creación deste blog concienciounos, tanto a min como ás miñas compañeiras, sobre a importancia das intelixencias múltiples e a necesidade de ser tratadas de xeito colaborativo entre a escola e as familias.

Lograr que un grupo de cativos/as en idade escolar fomenten as súas intelixencias, así como que descubran aquela que máis salienta na súa personalidade é unha función impresindible na educación e, polo tanto, un labor primordial para todos os profesores e profesoras.

Este labor que tanto medo nos deu nun primeiro momento axudounos a ver a importancia de traballar as TIC nas clases e así ser nós mesmas quen as adecuemos ás necesidades de cada alumno e alumna. Posto que xerar actividades que se adapten tanto á materia como aos discentes pode ser unha actividade laboriosa, mais non é complexa, e con ela podemos favorecer de forma satisfactoria a aprendizaxe dos contidos que se imparten.

Vai catro meses que se elaboraron os grupos na aula e, tras enfrontarnos a múltiples problemas que apareceron polo camiño, puidemos resolvelos como un equipo e darnos conta que pese a todo o tempo que se adicou, este serviunos para ampliar os nosos coñecementos e abrirnos paso a un novo xeito de ver a educación. 

É por isto que vos convido a que coma nós, vos adentredes no mundo dixital e comecedes a dar renda solta á imaxinacion e a dar vida a todas as vosas ideas, as cales farán máis doada a aprendizaxe de cuantiosos alumnos e alumnas.

Espero que disfrutedes da lectura deste blog tanto coma o fixemos facéndoo. 

Un saúdo, Work In.

                                                                Por: Alba González Rodríguez

EXPECTATIVAS E OPINIÓNS

Fai unha semana que se realizaron as exposicións na aula. Realizar unha exposición non é doado, posto que conleva horas de traballo deseñala e repartila entre os /as compoñentes de cada grupo. Ademáis, ou polo menos no meu caso, sempre implica uns nervios antes de comezar, mais estes non foron un empedimento para que todos e todas os nosos compañeiros e compañeiras realizaran un moi bo traballo. 

Tanto as diapositivas que se empegaron como os diálogos de cada un deles e delas estiveron moi traballados, polo que o traballo que se visualizou foi moi completo.

A nosa proposta, as intelixencias múltiples, permitiunos traballar distintas actividades adecuadas a cada unha das oito intelixencias. Ademais, todas nós participamos para que este proxecto saíse adiante o mellor posible, e dende o  meu punto de vista, estamos moi contentas co resultado final.

O traballo do meu grupo foi sen duda algunha un traballo en equipo, que requeriu da participación de todas e cada unha de nós para acadar o final desexado.

Os proxectos que decidiron traballar o resto dos grupos foron moi interesantes, como a temática de A diversidade ou A alimentación saudable. 
Todos os grupos realizaron actividades adecuadas á súa proposta e ó seu proxecto, á par que interesantes, conseguindo así a nosa atención durante as exposicións.

Por outra banda, a organización da materia foi moi boa, xa que dende un primeiro momento tiñamos a estruturación de cada sesión e sabiamos de antemán que actividades de realizarían na aula. 

A proposta de proxectos prácticos foi unha aprendizaxe que resultará de gran utilidade no meu futuro como docente, un gran paso para afrontar o medo a crear as miñas propias actividades e a mergullarme nun mundo tan amplio como a creación de actividades 

En xeral, adicamos moito tempo a estes exercicios e esta foi un labor que se mostrou nas exposicións de xeito moi satisfactorio.

                                                                  por: Alba González Rodríguez

VALORACIÓN DAS EXPOSICIÓNS

Nesta entrada comentarei a miña valoración crítica sobre o traballo e o proxecto que foi realizado ao longo do curso por min e as miñas compañeiras, pertencentes ao grupo Work In, así como o traballo levado a cabo polo resto de equipos.

Ao inicio do curso decidimos, como xa todos/as sabedes, escoller o tema das Intelixencias Múltiples, un tema que nos deu moito xogo á hora de realizar as actividades. Isto débese a que, ao haber 8 tipos de intelixencias, permitiunos nomealas a todas nas nosas actividades, sen excluír ningunha.

Cada unha de nós traballou de forma continua e diaria na realización das actividades que se nos propuxeron semana a semana, para evitar que se nos acumulara demasiado traballo para o final.

Foi así como logramos sacar adiante, dende o meu punto de vista, un bo traballo, froito do esforzo persoal de cada unha día a día.

Ademais, cabe mencionar que nas partes prácticas da materia, todas aprendemos unha gran cantidade de conceptos e aprendizaxes que ata o momento descoñeciamos e que nos serán de gran utilidade nun futuro.

En canto á nosa exposición oral do proxecto, realizada baixo a presenza das tres mestras responsables da materia e dos nosos compañeiros e compañeiras, na miña opinión estou completamente satisfeita co resultado.

Demos a coñecer as diferentes actividades, cada unha delas fomentando as diferentes intelixencias co obxectivo de concienciar ao alumnado da necesidade de fomentar cada unha delas por igual, aínda que alguén destaque máis nunhas que noutras.

As presentación dos meus compeñeiros/as tamén estiveron moi ben, aínda que foron dúas delas foron as que máis me chamaron a atención e que pasarei a comentar a continuación.

En primero lugar, un grupo formado por tres boas compañeiras, trataron o tema dos hábitos saudábeis aplicado nunha revista escolar dixital.

Desde o meu punto de vista, trataron un tema fundamental para a actualidade, reflexando de forma creativa unha gran cantidade de actividades co propósito de concienciar ao alumnado de levar a cabo hábitos saudábeis beneficiosos para a súa saúde.

Realizaron unha exposición moi clara e seguras de si mesmas en todo momento, mostrando paso a paso e explicando tanto as actividades realizadas como o resultado final.

Outro grupo é o formado por 4 compañeiros e compañeiras, que trataron o tema da violencia de xénero aplicado nunha revista escolar dixital.

Considero que elexiron un tema moi relevante co obxectivo de concienciar ao alumnado, xa dende Educación Primaria, de que todos/as somos iguais, e a non discriminación por razóns de sexo ou afectivas-sexuais.

Realizaron unha exposición bastante clara, dando a coñecer as diferentes actividades que realizaron ao longo do curso, todas elas en relación ao tema a tratar.

Por último pero non menos importante, é preciso nomear que as prácticas realizadas nesta materia me foron de gran utilidade, pois grazas a iso fun capaz de coñecer unha gran cantidade de ferramentas que de seguro usarei nun futuro como mestra, así como unha gran cantidade de novos coñecementos ata o momento descoñecidos.

Por: Alba González Bretaña

ACLARACIÓNS SOBRE AS PRÁCTICAS

Esta entrada vai adicada a unha valoración crítica sobre a miña opinión persoal con respecto ao noso propio proxecto e ao resto dos presentados na aula polos nosos compañeiros/as.

En relación á nosa proposta, estou amplamente orgullosa do noso traballo, xa que houbo moi boa relación entre todas as integrantes e un gran interese común por aprender e mellorar. Todas aportamos ideas e propuxemos unha mellora conxunta de todas e cada unha delas. 
En canto á nosa exposición sobre as Intelixencias Múltiples na PDI, considero que foi boa, xa que as catro falamos o mesmo tempo, consecuencia da división equitativa da información. Pese a que estabamos un pouco nerviosas, intentámolo facer o mellor que puidemos e mostrarlles ao resto o noso arduo traballo que con tanto esforzo realizamos.

Con respecto ás presentacións de proxectos amigos, todos fixeron un bo traballo. 
Todas as/os integrantes de cada grupo falaron adecuadamente e limitándose ao tempo esixido, aportando actividades creadas por elas e eles mesmas/os e bastante creativas, organizadas dun xeito moi apropiado e comprensible. Como aspecto tratable e mellorable, podíase observar que os nervios de todos/as estaban a flor de pel, pero só é cuestión de práctica perder a ansiedade ante un público. 
Gustaríame mencionar que a posta en escena dalgún grupo en especial captou o meu interese absoluto, debido a que toda a información aportada resultou moi interesante e foi explicada paso a paso de forma coherente.

Por último e como conclusión final, gustaríame engadir que esta proposta de proxectos de Prácticas de Novas Tecnoloxías foime de gran utilidade e de interese. Facer un blog coas miñas compañeiras e crear nós mesmas recursos e actividades que posteriormente poderemos utilizar (ou que polo menos saberemos crear outras novas) resultoume moi entretido, aínda que ás veces un pouco complexo porque non son moi coñecedora deste mundo informático. Porén, estas prácticas facilitáronme a adquisición de novos coñecementos que aplicarei de seguro nun futuro.

Adicionalmente, considero que a organización estivo moi estruturada, cuestión que agradezo porque xa desde un principio tiñamos os pasos e obxectivos a alcanzar, promovendo desta forma unha boa planificación e distribución dentro dos equipos.

Despídome cun enorme saúdo para todas e todos vós.

Por: Inés Fernández Prieto

AVALIACIÓN XERAL DA MATERIA

Nesta entrada vou valorar de maneira crítica a miña opinión persoal con respecto ao noso proxecto e ao dos demais compañeiros e compañeiras.

Con respecto á elaboración e produto final, quedei moi satisfeita xa que todas as integrantes do grupo fixemos un moi bo traballo e esforzámonos por superar as dificultades e lograr o obxectivo de acabalo e aprender del, posto que era a primeira vez que realizabamos unha tarefa deste tipo. A pesar de non saber nin como comezar, todas propuxemos moitas ideas e mostramos un gran interese. Outro factor que axudou a que isto acabara dun xeito adecuado foi a boa relación entre o grupo.

En canto á presentación do noso proxecto, Intelixencias Múltiples, considero que estivo moi ben a pesar dos nervios que mostrabamos cada unha de nós. Todas falamos de maneira clara e equitativa e non houbo diferenzas bruscas en canto á súa explicación.

En relación aos demais traballos dos nosos/as compañeiros e compañeiras, tamén estiveron moi ben. Cada integrante de cada grupo falou e explicou a súa parte dunha maneira axeitada. Aínda que houbo equipos que duraron máis ca outros, todos estiveron bastante interesantes. Pero si que houbo traballos que captaron máis atención que outros, xa sexa pola duración, pola forma de explicar e a coherencia que demostraban.

Como conclusión final, quero engadir que as clases, pero sobre todo as prácticas, fóronme de gran utilidade xa que grazas a estas fun coñecendo actividades e recursos que antes endexamais vira. Todas estas ferramentas empregareinas nun futuro como próxima docente e darei grazas por ter esta asignatura que me axudou a coñecelas e a traballar con elas, para despois ensinarllas ao meu alumnado.😃

Despídome dicindo que foi un pracer compartir todo no blog !!!!

                                                     

                                                             por: Aldara Fernández Domínguez

PRESENTANDO O PROXECTO FINAL

Unha vez rematadas as actividades e a secuencia, elaboramos unha presentación para así poder organizalas e mostrarlles o resultado aos nosos compañeiros e compañeiras.

A presentación dividiuse en seis partes: xustificación, contexto, contexto curricular, actividades a realizar, conclusión e referencias bibliográficas.

Na xustificación, a cal consiste na descrición do proxecto e do tema escollido, fixemos unha breve introdución das intelixencias múltiples, aplicadas á PDI. Nesta mesma diapositiva fíxose alusión á importancia das TIC no ámbito educativo. 

Segundo o contexto, podemos decir que este proxecto está pensando para empregarse en todos os cursos de Educación Primaria, sempre e cando as aulas teñan unha Pizarra Dixital Interactiva, e tendo en conta as caracterísitcas psicoevolutidos dos nenos e nenas ás que vai destinado.

En canto ao contexto curricular, seguíronse unha serie de obxectivos como: a iniciación da aprendizaxe das TIC e desenvolver as capacidades afectivas propias e co resto das persoas. As competencias clave deste currículo son: a competencia dixital, aprender a aprender e o espírito emprendedor. 
As distintas áreas polas que está formado organízanse segundo as disciplinas troncais, que se corresponden con ciencias naturais e socias, lingua castelá e literatura a primeira lingua estranxeira e as matemáticas. Por outra parte, como materias opcionais atopamos a educación física e artística.

As 21 actividades que se realizaron coas diversas aplicacións organizáronse posteriormente na presentación como a secuencia mencionada segundo a temática, o nivel e a dificultade.

Por último, cerramos este proxecto coas nosas propias conclusións, nas que todas as integrantes deste grupo coincidimos. 

A creación de este blog supuxo un gran reto que a medida que o curso avanzaba fomos superando, logrando así solventar todos e cada un dos problemas e dificultades que atopamos durante o camiño, pero tamén nos ensinou a manexar dintintas aplicacions e as vantaxes e desvantaxes das TIC.


Se queredes coñecer máis profundamente esta presentación, convidámosvos a que lle votedes unha ollada a este enlace con acceso directo 👀👉https://docs.google.com/presentation/d/e/2PACX-1vQU_Bip0PUrORnpx575qOFVbi5YvQ4bp1jbodOwHHvTysgoyM4ZlBVpzAiCZ27IJ7nomKM7gDiUiOqM/pub?start=false&loop=false&delayms=3000

Esperamos que vos gustase! 😃😃
 

UNHA OLLADA CARA ATRÁS

Tras rematar todas as actividades interactivas, é a hora de facer o proxecto final que articule todos os recursos realizados por nós ata agora para PDI, polo que optamos por facer unha secuencia.

Unha secuencia consiste en agrupar una serie de elementos, en este caso as nosas actividades, que gardan relación entre si e establecer unha sucesión e orde entre eles.
Tendo en conta o póster, a webquest, os 3 recursos audiovisuais e as 16 actividades interactivas feitas, creamos unha presentación de Drive para organizarnos.

Primeiramente dividimos todos os recursos segundo a intelixencia que abordasen en tres bloques: Ciencias da Natureza e Matemáticas, Idiomas e Vocabulario, e Artes: Música, Plástica e Expresións Emocionais.

Tras finalizar, establecemos o grao de dificultade por niveis.

O nivel 0 é o póster, xa que abarca todas as intelixencias múltiples. Este consta dun Código QR que proporciona enlace directo ao noso blog "intelixencias multiples", unha nube de palabras relacionada coa nosa temática, e as aplicacións organizadas segundo sexan unha paxina web, unha serie, unha aplicación ou un xogo.
No nivel 1 atópanse as actividades que consisten en aprender a través da observación, onde o alumnado é pasivo durante a aprendizaxe. O nivel 2 consta de actividades nas que o alumnado deberá traballar e pensar máis para resolvelas correctamente, organizadas xerarquicamente de arriba a abaixo pola súa complexidade (facer correctamente as situadas na parte inferior demostra que podedes ser capaces de realizar as actividades do seguinte nivel). O nivel superior é o 3, que se rexe polas mesmas medidas que o 2. Mentres que o nivel 4, soamente no bloque de Artes, é a WebQuest, xa que consideramos que a actividade máis duradeira e complexa.


Para facer da secuencia unha ferramenta máis interactiva, tivemos a idea de colocar hipervínculos 🔗 tanto nos nomes das actividades, e así poder acceder a elas cun só click, como nas propias diapositivas para poder moverse cunha maior rapidez.

Para ver a nosa secuencia "Intelixencias Múltiples" só tedes que facer click neste enlace 👀👉 https://docs.google.com/presentation/d/e/2PACX-1vQCD0owyx5c5u4bdTtQLRQfy23jkMSJ-g2itsZXv5LJ9xVtRyaYM0u7qMwHzuLB2WzFnNW7-bTZSeRx/pub?start=false&loop=false&delayms=3000

Esperamos que vos gustase!💥💛

ACADAMOS A META!

Ola a todas e todos!

Tras facer todas estas actividades, gustaríame facer unha reflexión persoal do que supuxo a elaboración deste blog.

Primeiramente, sensibilizoume e axudoume a concienciarme da importancia de usar imaxes de dominio público. Ademais de que isto non supón realmente ningún de problema, xa que hai ferramentas e páxinas web onde se poden atopar imaxes de moi boa calidade e respectando as leis de compartición e as imaxes suxeitas a licencias.

En segundo lugar, abriume paso cara a creación de actividades propias e aplicables á aula. Actividades que probablemente utilizarei durante a miña futura docencia en Educación Primaria, ou a creación de similares para favorecer a aprendizaxe curiosidade e interese do alumnado.

Isto tamén supuxo atopar ferramentas, recursos e aplicacións que ata agora descoñecía da súa existencia. A súa búsqueda, experimentación e utilización foron un proceso que implicou que mellorase tanto a nivel de aprendizaxe informático como educativo.

Ademais disto, fomentou unha maior e mellor colaboración entre as miñas compañeiras e mais eu, xa que tiña que existir unha cooperación mutua para que as entradas individuais e grupais estivesen relacionadas e coherentes. Sabendo que ningunha das catro integrantes era ampla coñecedora deste mundo tecnolóxico, foi necesario estar atentas, investigar moito e compartilo co resto para favorecer a marcha deste proxecto.

En conclusión, esta asignatura en xeral foime de gran utilidade para mellorar os meus coñecementos. Tanto as explicacións teóricas como a súa aplicación no blog me servirán para aplicar o aprendido nos próximos anos.

Foi un pracer facer este blog coas miñas compañeiras!💛

Por: Inés Fernández Prieto

E PARA REMATAR.....

Chegamos ao final!!!

Dende o meu punto de vista, levo un moi bo recordo e moitas aprendizaxes desta materia.

Hai que recoñecer que ao principio, tiña algo de medo, pois isto das TIC nunca foron o meu punto forte, medo a non saber utilizar os materiais, medo a non ser capaz de facer un bo uso e manexo das TIC e, sobre todo, medo a decepcionar ao meu grupo.

Pero, pouco a pouco funme dando conta de que non era para tanto, e que era máis doado do que parecía a simple vista. Aprendín unha gran cantidade de novos coñecementos ao longo do curso, do uso de ferramentas, de creación de actividades que seguro que me serán de gran utilidade nun futuro... E todo isto grazas tanto ás mestras como ás boas compañeiras do meu grupo de traballo, as cales sempre estiveron e seguirán estando ahí en todo momento.

En xeral, podo afirmar que foi unha das materias máis divertidas e, ao mesmo tempo, unha das que máis hai que traballar para conseguir os obxectivos propostos. Porén, realizando as tarefas día a día e con motivación, estas volvéronse máis levadeiras.

Por: Alba González Bretaña

CHEGAMOS AO FINAL

Rematou o curso e as clases, polo tanto quere dicir que esta vai ser unha das últimas entradas deste blog. Chegamos ao final. 😃😐

Dende a miña opinión, levo un moi bo sabor de boca desta materia, a pesar de  que ao principio non estaba moi segura de se me ía gustar isto das tecnoloxías porque non se me dan moi ben. Pero pasou todo o contrario, aprendín moito desta asignatura, xa que a maioría das cousas non sabía facelas pero coa axuda das miñas compañeiras e mais a profesora puiden desafiar e superar as miñas dificultades.

Unha dos aspectos máis importantes que aprendín é que hai que ter moito coidado co Copyright e empregar imaxes que só sexan de dominio público. Hoxe en día, isto é bastante doado de identificar e distinguir, xa que hai diversos blogs e sitios web que permiten empregar as imaxes e vídeos que necesitamos.

É imprescindible mencionar que tamén aprendín a empregar recursos e aplicacións que non usara en ningún momento, para a posterior creación pola miña conta dunha serie de actividades interactivas que xamais pensei que sería capaz de crear. Este foi o meu maior logro!

Esta asignatura axudoume a conectar con compañeiras coas que antes non falara nunca, o que me abriu paso a coñecelas e a traballar con elas, o que foi un verdadeiro pracer para min, xa que somos un grupo que colaboramos entre nós e axudámonos no que faga falta, tanto nas entradas individuais pero sobre todo, nas colectivas.

En conclusión, esta materia foime de gran axuda á hora de desenvolver a miña capacidade no mundo da informática e as novas tecnoloxías. Tanto as clases grandes como as medianas serviron para ter conciencia no uso destas tecnoloxías e sobre todo, a aplicar o aprendido como futuras docentes.

                                                                por: Aldara Fernández Domínguez

COMO FOMENTAR AS INTELIXENCIAS NOS MEDIOS AUDIOVISUAIS

As oito intelixencias propostas pola teoría de Gardner están sempre presentes en moitos contextos e ocasións da nosa vida. Neste caso, imos concienciarvos da súa importancia e existencia (inconsciente) nas series de televisión, crutametraxes ou películas infantís que máis nos gustan a nós da nosa infancia e actualmente.

As curtametraxes de Pixar Animation Studios son un bo exemplo de demostración da intelixencia interpersoal e intrapersoal.

"Cuerdas" é un curto de Pedro Solís García que fomenta a integración e a aceptación do alumnado diverso na clase. A intelixencia interpersoal pódese ver claramente reflexada neste pequeno vídeo educativo. https://youtu.be/4INwx_tmTKw

No caso da intelixencia intrapersoal, curtos como Purl (Pixar) ou In a Heartbeat (Beth David e Esteban Bravo) ensinan valores morais fundamentais, como a aceptación dun mesmo/a e non xulgar aos demais. 

Tamén a película para todos os públicos chamada "Del Revés" ("Inside Out" en inglés), producida por Pixar e distribuída por Walt Disney Pictures, é un modelo propio desta intelixencia: tras verse enfrontadas as 5 emocións dunha nena, representadas por persoas que habitan na súa mente e encargadas de dirixir os pensamentos e condutas, deberán buscar un equilibro para que haxa un balance igualitario entre elas, xa que todas as emocións son importantes e necesarias. 
Poderíase incluír ademais na intelixencia cinestésico-corporal, xa que as expresións corporais, neste caso faciais, conforman unha parte relevante desta. Na película amósase que cada emoción adopta unha determinada expresión facial, a correspondente ao sentimento que representa.

A continuación, deixámosvos os enlaces dos recursos citados por se tendes curiosidade:

Purl - https://youtu.be/B6uuIHpFkuo?t=10

In a Heartbeat - https://youtu.be/2REkk9SCRn0?t=11

Del Revés Tráiler - https://youtu.be/D-YKuKf_zkQ

Peppa Pig é unha serie adicada a nenos e nenas de Educación Primaria especialmente como un recurso de ocio pero, ao mesmo tempo, trasmite unha serie de coñecementos, valores e saberes de gran relevancia nestas idades. 

https://www.youtube.com/watch?v=nANqW9JYtfM 

Neste enlace pode observarse como aprender os números do 1 ao 10, fomentando así a intelixencia lóxico-matemática, ademais da naturalista, xa que esta serie está protagonizada por distintas personaxes caracterizadas por ser animais.

Con Dora la Exploradora, foméntanse unha gran cantidade de intelixencias, como a matemática ou a naturalista. Porén, nós centrarémonos na intelixencia lingüística. 

Con Dora, os nenos e as nenas aprenden unha gran cantidade de vocabulario, tanto en castelán como en inglés. Ademais, tamén fomenta unha serie de condutas adecuadas para convivir en sociedade como “non roubar”.

https://www.youtube.com/watch?v=tcbP-yO-fpA

Outra serie que fomenta a intelixencia naturalista é Os pingüinos de Madagascar, posto que esta intelixencia destaca por impulsar un gran coñecemento da fauna e da flora, o cal se corresponde cun dos argumentos principais.

Por outra banda, Art Attack é un programa de televisión que emitían en Disney Channel, onde ensinaban os pasos para facer todo tipo de manualidades, como debuxos con acuarelas, papiroflexia, grandes retratos con xiz, lienzos, inventos con materiais reciclados e moitas cousas máis. Con este programa, nenos e nenas fomentan a súa intelixencia viso-espacial, ademais de favorecer a creatividade. 
No seguinte vídeo vaise ver como un home crea unha representación artística con materiais que vai empregando á medida que os encontra: https://youtu.be/GZ9v6bSp7Nk 

Unha serie moi popular vista por todas nós foi Little Einstein. Esta implica unha gran cantidade de intelixencias, como a musical, lingüística, interpersoal, intrapersoal, viso espacial, etc.

Nesta serie infantil de Disney junior, recomendada para nenos e nenas de Educación Primaria, a música está presente dende o comezo ata o remate de cada episodio e busca a participación de todos os rapaces e rapazas que ven a serie.
Adicionalmente, conta con subtítulos para que poidan seguir o ritmo dende a casa. No seguinte enlace pódese observar o comezo da serie.

https://www.youtube.com/watch?v=Dw3gjTmSP-8

E por último, os debuxos tipo manga de Oliver y Benji foron moi famosos en España durante uns longos anos,  nenas e nenos desfrutaban moitísimo véndoos. Estes resultan entretidos, pero tamén axudan a fomentar a intelixencia cinestésico corporal, xa que ademais de utilizar o corpo para moverse e dominar as habilidades físicas, emprégano para expresar ideas, sentimentos e sobre todo para aprender. No seguinte vídeo veredes a canción da cabeceira destes debuxos que todos os rapaces e rapazas cantaban en calquera momento.

https://youtu.be/3zrGjc0UEgU

CREA, FABRICA E XOGA

Existen múltiples aplicacións no mundo dixital que nos permiten crear actividades de acordo con todo o que queremos traballar, con posibilidades infinitas.

A meirande parte destas aplicacións son sinxelas, algunha como Hotpotatoes, unha das aplicacións máis famosas do panorama dixital en canto á creacion de actividades se refire. Con esta aplicación pódense crear múltiples xogos e exercicios. Permite un número limitado de xogos a realizar sen necesidade de rexistro, mais unha vez que estes rematen debedes rexistrarvos para continuar a utilizala. 
https://hot-potatoes.uptodown.com/windows

Por outra parte, Kahoot é unha aplicación que permite crear cuestionarios de avaliación a través da creación dun usuario, e que múltiples xogadores/as participen ó mesmo tempo. Para facelo, só tedes que introducir un código. 
Unha vez rematado o xogo, ordenaranse de maior a menor puntuación os/as participantes.
https://kahoot.com/

Coa aplicación Cerebriti, unha vez rexistrado/a, pódense realizar múltiples actividades dunha forma moi sinxela. Ofrece unha gran cantidade de posibilidades, unicamente debedes seguir os pasos que se indican na parte superior da páxina para finalizar con éxito a actividade.
https://www.cerebriti.com/editar-juego/nuevo/juegos-carrusel/

Constructor é unha actividade creada pola Xunta de Estremadura que permite crear actividades dunha forma moi cómoda. Non só está deseñada para que xente de distintas idades poida beneficiarse con ela. Contén máis de 50 actividades configurables. 
https://constructor.educarex.es/inicio.html


  

                                                           por: Alba González Rodríguez

A FÁBRICA DE FERRAMENTAS

Crear actividades nos medios dixitais adaptadas ós alumnos e alumnas resulta impresidincible nunha época na que a tecnoloxia é unha parte tan esencial da nosa vida. É por iso que cada vez son máis as ferramentas que permiten axilizar e simplificar esta tarefa. 

Unha aplicación tan simple como Educaplay, a cal non precisa ser descargada para usala e que tan só con crear unha conta de usuario/a é suficiente, pode facilitar a tarefa de calquer profesor/a. Con esta aplicación podedes crear unha infinidade de xogos educativos, como un exame tipo test, adiviñas, completar palabras, sopa de letras, etc. 
https://es.educaplay.com/

                             
Outra aplicación sinxela é Edilim. Precisa ser descargada para poder usala, pero a descarga é moi simple. Unha vez instalada no noso ordenador, resulta moi doada. Tan só debes escoller a actividade ou tafera que queredes realizar e seguir os pasos necesarios que vos permitirán crear unha infinidade de xogos didácticos.
https://edilim.uptodown.com/windows

                        

                           

Por outra banda, outra aplicación chamada Ardora tamén precisa ser descargada. Descargala é sinxelo, mais á hora de traballar con ela resulta algo máis complexa na miña opinión, xa que realicei unha actividade interactiva con ela e resultoume moi difícil entender o seu proceso de elaboración.
http://webardora.net/index_cas.htm

Unha das aplicacións coas que máis me costou traballar foi Scratch, xa que precisa utilizar programación para desenvolver as actividades. Pese a esta dificultade, xa que endexamais fixera algo semellante, pareceume unha moi boa aplicación que contempla múltiples posibilidades para traballar con ela.
https://scratch.mit.edu/ 

Algunhas das actividades que se crearon foron feitas con estas aplicacións e, pese a que era a primeira vez que traballaba con elas e facelo resultou un reto, esta foi unha oportunidade máis para aprender a utilizar a tecnoloxía na aula. 

                                                                por: Alba González Rodríguez

XOGA E APRENDE, 4 ACTIVIDADES.

Para aprender, e que o coñecemento se consolide de forma permanente no noso cerebro, é imprescindible traballalo dun xeito práctico. É por iso que para que os nenos e nenas desenvolvan as súas capacidades e traballen as intelixencias múltiples, tivemos que deseñar varias actividades coas cales se poidan fomentar estas 8 intelixencias. 

Para traballar a intelixencia lóxico-matemática creamos o xogo do reloxo coa aplicación de Ardora, o cal esta destinado ó alumnado de segundo de Educación Primaria. 
Con esta actividade, os alumnos e alumnas deberán relacionar a hora que se mostra escrita e marcar en ambos reloxos, dixital e analóxico, á hora que lle corresponde. 

Para continuar traballando esta intelixencia deseñouse a aplicación do Labirinto
co programa Scratch. Os nenos e nenas deberán facer click na bandeira verde para comezar a mover, en este caso o "gato", a través do labirinto ata alcanzar o "rato". 
https://scratch.mit.edu/projects/302557718/ 

A continuación, para traballar a intelixencia naturalista, creouse un test coa aplicacion de Educaplay para o alumnado de quinto curso de Educación Primaria. 
Ó ser un test que abrangue todos os temas, tamén pode ser usado a modo de repaso para o alumnado de sexto de primaria. 
Este test consiste en que os de nenos e nenas fagan unha proba de coñecementos xerais tras estudar o temario deste curso. Consta de 10 preguntas distintas no que os alumnos/as deberán escoller entre as opcións que se lles mostra a que máis se adapte ao que se pregunta. 
Para poder pasar á seguinte pregunta, deberán ter marcada a opción que consideran verdadeira. O aprobado está en 7 acertos, é dicir, 3 erros como máximo, pero poderán repetilo as veces que sexan necesarias.
https://es.educaplay.com/recursos-educativos/4391817-ciencias_da_natureza.html

Para traballar esta mesma intelixencia creouse a actividade de Raios X coa aplicación Edilim, a cal consta dun esqueleto que posúe as partes do corpo escritas. 
Nesta actividade os nenos e nenas deberán arrastrar o foco (círculo) que fai que a fondo sexa trasparente polo esqueleto ata atopar todas as partes do corpo que se amosan na lista.

por: Alba González Rodríguez

1,2, 3... DÁLLE AO PLAY!

Despois de mergullar entre as ligazóns sobre os recursos dispoñibles, elexín varios deles para crear catro actividades interactivas que se poden empregar na PDI. 
Como primeiro paso, e despois de pornos de acordo as miñas compañeiras e mais eu, fixamos uns obxectivos básicos que tiñan que cumprir estas actividades segundo as múltiples intelixencias que queriamos abarcar para tratalas de maneira igualitaria.

Pola miña parte, eu creei as seguintes: unha clasificación de sentimentos, unha ruleta de palabras, un xogo de memoria de cartas e unha actividade de simplificación de fraccións.

A clasificación de sentimentos foi creada coa aplicación learningapps, a que resultou moi doada de empregar, xa que ofrece todo tipo de actividades que necesitades (clasificar, agrupar, numerar,etc). A tarefa que eu creei consiste en que hai dúas columnas nomeadas por "positivo" e "negativo", e no medio van aparecendo unha serie de sentimentos. A medida que estes aparecen, hai que colocalos na columna que lles corresponda.

Desta forma, aplícase a intelixencia interpersoal e intrapersoal en nenos/as de 1º-3º de Educación Primaria.

                              https://learningapps.org/7225351

A ruleta de palabras ou pasapalabra foi creada coa aplicación Educaplay. Esta ruleta está formada por definicións bastantes sinxelas e imaxes de instrumentos musicais que o alumnado terá que adiviñar. Con esta actividade aprenderán o nome dalgúns instrumentos e coñecerán a existencia doutros, fomentando así a intelixencia musical. Está recomendada para rapaces e rapazas de entre 8-10 anos.

☺️ https://es.educaplay.com/recursos-educativos/4436008-pasapalabra.html

O mosaico foi titulado "mundo animal" porque o xogo consiste en emparellar a cada animal co seu hábitat. Por exemplo: a aguia coa imaxe do ceo porque é o lugar por onde voa; o león coa selva, o golfiño co mar, etc. Esta actividade permitirá, ademais de distinguir o medio no que habita cada animal,  fomentar a memoria do usuario/a, xa que terá que memorizar onde estaba situada cada imaxe. Este é un exemplo de intelixencia naturalista. Foi creado tamén en Educaplay pensado para o alumnado de terceiro e cuarto de Educación Primaria.
☺️https://es.educaplay.com/recursos-educativos/4452082-mundo_animal.html

Por último, creei unha serie de fraccións que fomentará a intelixencia lóxico-matemática coa aplicación ThatQuiz, que consiste na simplificación destas. Está recomendada para o alumnado de quinto e sexto de Educación Primaria, xa que é a actividade máis difícil das catro que realicei. Con esta actividade practicarán as fraccións, ademais de que mellorarán a súa axilidade á hora de resolver problemas matemáticos.

☺️https://www.thatquiz.org/es/tl?uw1vl4izc3049wclr4c

                                                          por: Aldara Fernández Domínguez

IDEAS PARA O PROFESORADO: MATERIAIS BÁSICOS PARA FOMENTAR O INTERESE DO ALUMNADO

Nesta entrada vou seguir comentando máis recursos cos que poder crear actividades interactivas aplicables na PDI (Pizarra Dixital Interactiva) e que fomenten, ao mesmo tempo, a aprendizaxe interactiva (aprender xogando) e as tecnoloxías.

Estes recursos están na seguinte ligazón: 
http://www.humanodigital.com.ar/150-herramientas-gratuitas-para-crear-materiales-educativos-con-tics/#.TqkdT5ul45E, que xa foi mencionada na entrada anterior.

EDUCAPLAY: é unha plataforma onde se crean actividades educativas multimedia. Permítenos deseñar as nosas propias actividades (crucigramas, adiviñas, ruletas de palabras, sopas de letras e moitas máis). Este soporte vainos permitir acceder á  creación deste tipo de actividades, pero ademais poderase participar por grupos para compartir traballos e as propias actividades. Deste modo, fomentarase maioritariamente a intelixencia lingüística, aínda que tamén outras como a musical, a matemática, etc.

https://es.educaplay.com/

KUBBU: é un xerador gratuíto de crucigramas, cuestionarios, exercicios de emparellar e clasificar, onde se fomentará a capacidade de memoria e atención do alumnado. Os exercicios creados nesta aplicación poden pasarse a papel, pero sobre todo, poden tratarse de maneira online en PDI, ordenadores, tablets e moitos outros aparatos electrónicos. 
A característica relevante desta aplicación é que, a medida que cada alumno/a realice unha actividade, poderanse seguir os seus resultados e comprobar como responden a este tipo de aprendizaxe.      
         

http://kubbu.com/

THATQUIZ: é unha aplicación que xera actividades matemáticas. Pode tratar dunha maneira didáctica e atractiva para o alumnado: exercicios con números enteiros, decimais, fraccións, xeometría, unidades,medidas, etc. Ademais de tratar a intelixencia matemática, trata tamén a lingüística porque se poden crear exercicios de vocabulario en calquer idioma (francés, inglés, galego, castelán).               

https://www.thatquiz.org/es/

                                                              Por: Aldara Fernández Domínguez