INVESTIGANDO NA REDE

Para poder realizar os nosos propios recursos e aplicalos ao noso proxecto, primeiramente cada unha de nós debe analizar os xa feitos e, obviamente, que estén relacionados co noso tema, as Intelixencias Múltiples.

Na miña búsqueda persoal🔍, encontrei diversos recursos que nos poden ser moi útiles para telos en conta na creación dos nosos. Tendo como obxetivo a variedade e non a monotonía, propuxémonos a escolla de varios recursos distintos, como xogos, contidos multimedia ou audiovisuais, series ou recursos dixitais.

Para isto, tiven en conta as seguintes páxinas:

→http://www.cristic.com/1o-y-2o-de-primaria/  

Neste enlace atópanse xogos educativos online para primeiro e segundo de Educación Primaria. Contén as materias e contidos destes dous cursos, desenvolvendo así as múltiples intelixencias: castelán e inglés (intelixencia lingüística), música (intelixencia musical), naturais (intelixencia naturalista), xogos, informática… Con actividades interesantes e divertidas, como identificar as notas musicais nun pentagrama, descubrir o corpo humano ou escoller algún animal de todos os que se atopan na PDI, adquirindo así información deles a través de preguntas.

→https://www.xarxatic.com/51-blogs-educativos-para-este-2015/

Este blog recomenda outros blogs con intención educativa, tanto para o profesorado como para o alumnado. Entre eles, gustaríame destacar:

"Crea y aprende con Laura" (https://creaconlaura.blogspot.com/). Blog onde o profesorado pode buscar centos de ferramentas e actividades para favorecer o interese dos nenos/as na aula e facilitar a transmisión da información.

"El Mundillo de las TIC" (http://capileiratic.blogspot.com/). Blog para coñecer máis posibilidades de Google en Educación, con tutoriais para unha comprensión doada. Facilita recursos que permiten a interacción profesorado-alumnado, como unha explicación dos distintos usos de Google Drive.

→https://sites.google.com/site/web2oeneducacionprimaria/extra-credit 

Esta páxina web é moi útil. Ten varias seccións, en cada unha delas explica, con tutoriais incluso, como os nenos/as poden facer de forma creativa e sinxela carteis (con Glogster), comics (con Pixton), traballos coa lingua oral (grabación de audios para crear unha radio escolar, con Audacity) ou presentacións con fotos (con Photopeach). 

A partir de todas estas ideas, considero moi relevante ter en conta os seguintes recursos que fun atopando no noso proxecto:

Dora la Exploradora

"Dora la Exploradora" é un medio audiovisual educativo para os nenos/as dos primeiros cursos de Educación Primaria. Ademais de tratar de fomentar o inglés, esixe unha participación activa durante cada capítulo, tanto verbal como física. 
Hai cancións e xera actitudes positivas no alumnado, como non roubar (“Swiper no robes”).

Esta serie permítelles desenvolver a súa intelixencia lingüística, cinestésico-corporal, musical, lóxico-matemática e interpersoal.

http://www.nickjr.es/dora-la-exploradora/videos/

Ortografía Española 

"Ortografía Española" é un xogo educativo moi práctico para o alumnado de Educación Primaria. Esta app ten múltiples opcións, todas elas para fomentar a boa ortografía. Contén 6 seccións: Probas (por temas ou por graos, a escoller), Plan de Estudo, Resultados, Estadísticas, Campeonato e Máis asignaturas (acceso a apps similares).

Esta aplicación de Play Store é un bo recurso para que desenvolvan a súa intelixencia lingüística, tendo cada vez menos erros ortográficos.✅🅐🅑🅒

https://play.google.com/store/apps/details?id=com.holucent.grammares&hl=es

Recursos educativos 

"Recursos educativos" é un medio dixital moi útil e práctico para o alumnado de todas as etapas de Educación Primaria. Inclúe videocontos e videocancións, e xogos e actividades das asignaturas propias de cada curso (matemáticas, lingua, coñecemento do medio e inglés). Permitindo así desenvolver a súa intelixencia lóxico-matemática, lingüística, naturalista e musical.

http://recursosinfantilprimaria.blogspot.com/

Por: Inés Fernández Prieto

TECNOLOXÍA NA AULA

Actualmente vivimos na sociedade da información, onde o coñecemento é poder. A aparición das novas tecnoloxías supón cambios, en gran parte, tecnolóxicos. 

Isto implica, a nivel educativo, unha transformación nos espazos da transmisión da información. A aparición de novos sistemas na clase conleva unha adaptación bidireccional (e a formación de docentes neste ámbito). Porén, hoxe en día son métodos necesarios para que os nenos e as nenas aprendan de forma sinxela e activa, de forma adecuada ao contexto no que viven.

Unha destas innovacións é a PDI, considerada polo noso grupo como medio educativo fundamental na actualidade. É, polo tanto, que o noso proxecto se baseará nelas.
A continuación, explicarei brevemente as razóns da súa elección.



As PDI (Pizarras Dixitais Interactivas) son uns instrumentos tecnolóxicos que progresivamente se están a integrar nas aulas. O seu uso (para fins educativos) ten un amplo valor e concede múltiples vantaxes.

Entre outros, permite o aumento da eficiencia e eficacia, é aplicable a todas as etapas educativas, é flexible e fácil, e facilita un acercamento das TIC ao alumnado con discapacidades.

Está formada por un ordenador, un videoproxector e un dispositivo (fixo ou móbil) controlador dun punteiro, que serve como ratón e lápiz sobre ela. 

Fonte: http://pizarrasdigitalesgrupo4.blogspot.com/2012/11/

Todos os seus usos e funcións están claramente explicados no Programa para el manejo de las pizarras interactivas Hitachi Starboard FX-DUO 77. Guía del Usuario.

As pizarras Starboard son un claro e perfecto exemplo de PDI. Son de gran utilidade na aula, xa que permiten a existencia dun ambiente máis colaborativo, produtivo e dinámico. Permite traballar ata a 3 estudantes e que haxa 6 puntos táctiles á vez. Pódese configurar o grosor e a cor do material escollido (un bolígrafo, un subliñador, un lapis ou unha goma, entre outros) para debuxar, escribir e borrar ou seleccionar, rotar e cambiar o tamaño de obxectos, etc. 

Fonte: https://www.digitalavmagazine.com/2014/05/21/hitachi-starboard-fx-pizarras-digitales-interactivas-para-aulas-y-salas-de-reunion/

Nas páxinas asociadas á consulta de proxectos sobre a PDI, foime de gran interese un programa chamado Extreme Collaboration. 

https://youtu.be/NRVZpQh-qoM

Neste enlace podedes atopar unha explicación moi clara e precisa (moi útil para xente que non ten amplos coñecementos sobre programación ou informática) de Marta Cervera sobre como programar actividades interactivas na aula a través dos teléfonos dos nenos/as.

As actividades que se poden realizar con este programa son moi útiles e variadas para o noso proxecto sobre as Intelixencias Múltiples. Unha idea que se me ocurriu grazas a Extreme Collaboration foi a de programar unha tarefa na que o alumnado, para desenvolver a súa intelixencia naturalista, debe facer unha saída a un parque próximo e facer fotos das plantas propostas anteriormente pola plataforma do xogo. Ao rematar, deberán enviar as súas fotos desde o teléfono e, de forma automática, aparecerán na PDI da aula. Así poderase verificar se identificaron correctamente as plantas.

Esta é unha maneira sinxela e eficaz para que os nenos e as nenas aprendan ao aire libre e, á vez, que lles sexa de interese e que lles motive. 🌿🔍

Alba González Rodríguez

Porén, non son todo vantaxes. A PDI require de formación didáctica tecnolóxica e dunha infraestrutura adecuada. Pero, sobre todo, é un material MOI caro.💸

Outro dos enlaces que me gustou moito foi a PDI de baixo coste.

http://recursostic.educacion.es/observatorio/web/es/component/content/article/585-monografico-pdi-de-bajo-coste

Neste artículo vénsenos a decir que, con simplemente 60 euros, podemos facer pola nosa conta unha PDI utilizando mandos Wii, un adaptador Bluetooth e os materiais necesarios para crear un punteiro infravermello.

O programa gratuito que permite a sincronización chámase Wiimote Whiteboard. Así é como se constrúe unha PDI economicamente con case a mesma eficacia que a comprada. 

Na miña opinión, este sistema é unha alta vantaxe no ámbito escolar. Isto débese a que moitos centros educativos non se poden permitir un custo tan grande en materiais ou recursos. Pero grazas a Wiimote Whiteboard, poden crear PDI de forma sinxela e sen invertir tantos cartos. 
Así facilitan a transmisión de información ao alumnado, sobre todo visualmente.👀

Fonte: http://seminarprojecttopics.blogspot.com/2012/10/wiimote-whiteboard.html

Por: Inés Fernández Prieto

INFORME FINAL📌

Esta entrada adicarémola a facer un pequeno resumo sobre o noso Informe Final, explicándovos breve pero detalladamente todos os pasos realizados ao longo do proxecto.

En primeiro lugar, redactamos a xustificación. Neste apartado describimos en, aproximadamente 1 carilla, os motivos polos que eleximos este traballo, as razóns polo que o consideramos importante e que aportación ten para a educación.

A continuación, en media carilla, describimos o contexto do centro no cal se levaría a cabo a proposta, os cursos ao que vai dirixido (toda Educación Primaria), así como as características psicoevolutivas do alumnado.

En canto ao contexto curricular,  tras revisar o Decreto 105/2014, seleccionamos unha serie de obxectivos xerais e de competencias aplicables ao noso proxecto. Posteriormente, eliximos tamén a área adecuada ao noso proxecto, seleccionando as disciplinas específicas que todo o alumnado debe cursar en cada un dos bloques.

De seguido, explicitamos mediante o deseño de táboas, 21 actividades, todas elas feitas por cada una de nós ao longo do traballo. Explícase brevemente a descripción das actividades, os recursos utilizados para a elaboración da mesma, o lugar de realización, a persoa que debe impartir estas actividades, o agrupamento do alumnado para levalas a cabo e a duración da actividade.

Finalmente, realizamos unha pequena conclusión explicitando as fortalezas e as dificultades atopadas ao longo do proxecto, así como unha pequena valoración do resultado obtido.

Por último, referenciamos todos os recursos que usamos de axuda mediante as normas APA.

INFORME FINAL WORK IN: https://docs.google.com/document/d/e/2PACX-1vTWPGI5fHyYLMlPq_3vrOaK3-77vYuSHa-6F0lhgwiY1Crj-G4cyDW9gqaFbTI3kEwY06Pb4j45UpJ9/pub

Achegámonos ao final do proxecto! Esperamos que vos estivese gustando ata agora todo o aportado no blog en relación á aplicación das intelixencias múltiples nunha aula utilizando como recurso a Pizarra Dixital Interactiva (PDI). 😊

PRIMEIRO CONTACTO

Por definición a "intelixencia": "é unha facultade da mente que permite aprender, entender, razoar, tomar decisions e formar unha idea determinada da realidade". Pese a isto, a definición de intelixencia é moito maís complexa.

Cando se comeza a traballar con persoas, resulta fundamental coñecer as súas limitacións e as súas capacidades. De tal xeito que, unha vez que se detecten, poidamos potencialas correctamente através de xogos, e así manter o interese dos cativos/as que, mentres se divirten, están aprendendo.

H. Gagner estudou o desenvolvemento de habilidades en nenos e nenas, o que lle levou a ver como cada neno expresaba as diversas intelixencias que existen. Dende o punto de vista de Gagner "A intelixencia non é vista como algo unitario, que agrupa diferentes capacidades especificas con distinto nivel de xenerallidade, porén como un conxunto de intelixencias multiples, distintas e independientes".

Tratando este tema, profundizaremos nas oito capacidades cognitivas do ser humano, que se corresponden á : intelixencia lingüistica, interpersonal, intrapersonal, espacial, lóxico matemática, musical, naturalista e cinestésico-corporal".

Fonte: https://terapiadeparejaweb.com/teoria-inteligencias-multiples-howard-gardner

Con esta teoría preténdense estimular as capacidades de cada individuo apartir das súas habilidades e os seus gustos. Favorecendo o seu desenvolvemento no futuro.

A intelixencia resulta difícil de medir porque que depende de cada suxeito, polo que se debe de realizar unha observacion detallada de cada unha das pesoas. Este é un dos principales motivos polo que realizar esta tarefa nunha aula na actualidade é unha actividade complexa.

Debido a sua importancia e a sua complexidade, que aínda hoxe en día supón o término "intelixencia" decidimos que sería unha moi boa oportunidade para tratalo e así poder profundizar no ámbito das intelixencias múltiples que propuña Gagner en 1983. posto que existen moitos tipos de intelixencias e sería un erro ignora algúns deles.

Con respecto a esta asignatura, as miñas expectativas son moitas, pois dela espero aprender sobre este gran mundo que é a tecnoloxía. Debido a que nunca foi un forte para min, suporá un gran reto afrontala.

É por iso que considero que esta é unha gran oportunidade para adentrarme neste amplio mundo.

                                                                   Por: Alba González Rodríguez

ACERCAMENTO AO PROXECTO

Fonte: http://www.ciaramolina.com/wp-content/uploads/2018/03/inteligencias.jpg

Benvidos e benvidas ao noso blog!

As miñas compañeiras e mais eu puxémonos de acordo para escoller un tema e falar sobre el. O escollido foi o de intelixencias múltiples.

Esta intelixencia consiste no conxunto de saberes, non só académicos, que se inclúen na vida cotiá.
Tamén pode definirse como a capacidade de elaborar, asimilar e entender a información para        empregala dunha maneira xeralizada.                                  




                                             
Howard Gardner defende que a intelixencia é o potencial de cada persoa, e tamén afirma que a intelixencia é o conxunto de capacidades específicas con distintos niveis de xeralidade. El identificou oito tipos de intelixencia: a musical, a lóxico-matemática, a lingüístico-verbal, a intrapersonal, a viso-espacial, a corporal-cinestésica e a naturalista.

Fonte: http://www.educacionyculturaaz.com/inteligencias-multiples-una-generacion-de-superheroes/

A miña primeira visión da asignatura foi bastante boa, aínda que ao principio tiña un pouco de medo, xa que non se me dan ben as TIC. Farei todo o posible para aprender e solventar os problemas que me vaían surxindo ao longo do curso.
Esta materia, nomeada Novas Tecnoloxías Aplicadas á Educación Primaria é moi necesaria hoxe en día, tanto ao longo da carreira como cando estemos dando clases como futuros e futuras docentes, xa que é unha boa maneira de achegarlles coñecementos con maior facilidade aos alumnos/as e de facer as clases máis amenas e interactivas e que así desperten o seu interese.

                                                                        Por: Aldara Fernández Domínguez

PUNTO DE PARTIDA

Benvidas e benvidos ao noso blog!

Antes de comezar coas nosas publicacións, gustaríame expresar a miña opinión sobre o que penso que nos imos atopar. 

Ao longo destas, comprobarei na reflexión final se os resultados coinciden ou se afastan moito da valoración desta presentación inicial.

Comunmente, a intelixencia vincúlase á habilidade lóxico-matemática para a resolución de problemas e ao éxito académico. Porén, non é unicamente iso. Existen unha ampla variedade de intelixencias, tal e como defenden Howard Gadner e o seu equipo da Universidade de Harvard que, ata agora, identificaron oito tipos: a intelixencia lingüístico-verbal, a musical, a lóxico-matemática, a viso-espacial, a corporal-cinestésica, a interpersoal, a intrapersoal e a naturalista. Todas elas son dunha importante relevancia telas en conta durante o proceso de formación dos nenos e das nenas, xa que, aínda que legalmente no ámbito educativo non sexan consideradas como tal, configuran a meirande parte da súa aprendizaxe e permiten mellorar a mesma. 

Fonte: https://www.masscience.com/2015/03/08/inteligencias-multiples-la-gallina-de-los-huevos-de-oro/

Como futura mestra de nenos e de nenas que cursen Educación Primaria ou, incluso, do profesorado desta etapa, creo moi necesario concienciar das intelixencias múltiples na escola e nos distintos axentes educativos. Sen tampouco esquecer ás familias, as maiores colaboradoras e reforzadoras das accións da escola.
Dado á consideración da súa inclusión, paréceme vital afondar nesta cuestión para que se comprenda o seu verdadeiro valor.
Unhas das ferramentas fundamentais para isto, e de moita utilidade, son as TIC. Desde o punto de vista educacional, permiten e facilitan ao profesorado mellorar a transmisión dos coñecementos e facela comprensible e sinxela aos ollos do alumnado.

Con respecto a esta materia e ao blog que estamos a facer nela as miñas compañeiras e mais eu, teño altas expectativas. Permitiranos ampliar o noso coñecemento tanto neste tema como no ámbito das TIC, para así poder mellorar como futuras mestras, propiciando o interese e a motivación do alumnado e, como consecuencia, unha mellor e maior aprendizaxe bidireccional. 

Por outra banda, teño un lixeiro temor. Isto é debido a que as novas tecnoloxías nunca foron o meu punto forte, polo que requerirá da miña parte un gran esforzo para adaptarme. 

Se o chegades a pensar, tamén é mellor. A maior esforzo, maiores son as gañas que lle pos!😄

Por: Inés Fernández Prieto

PRIMEIRAS REFLEXIÓNS

Benvidos a todas e a todos ao noso Blog!!!

O tema que trataremos ao longo do curso é coñecido como Intelixencias Múltiples.

Antes de nada, cabe mencionar que Gardner é o descubridor desta teoría que afirma que existen 8 tipos diferentes de intelixencia. Non sendo ningunha delas máis importante que a outra, cada persoa é posuidora de todas. Aínda que cada quen pode destacar en ámbitos distintos.

Fonte: http://blog.letramagica.com/index.php/menu-principal/la-teoria-de-las-inteligencias-multiples-de-gardner/

Eliximos este tema para facer fincapé e visualizar as destrezas en determinados ámbitos dos nenos e das nenas e así ofrecer un amplo abanico de información para todas aquelas persoas que podan estar interesados/as.

Persoalmente, a miña primeira impresión da asignatura foi moi boa, e penso que non lle teño medo as TIC, xa que actualmente son unha ferramenta fundamental na nosa sociedade. É necesario controlalas e facer un bo uso delas, tanto no entorno  escolar como noutros moitos ámbitos.

Fonte: https://www.slideshare.net/nahomydiaz/las-tic-80026320

Por todo isto, podo decir que esta materia, baixo o nome de Novas Tecnoloxías Aplicadas a Educación Primaria, paréceme unha asignatura ideal e necesaria tanto ao longo da nosa carreira como para un futuro como docentes.

Por: Alba González Bretaña